spot_img
giovedì, Gennaio 23, 2025

Novas Aristanesas, giòbia 29 de austu de su 2024

Novas Aristanesas, giòbia 29 de austu de su 2024

Sos apuntamentos de custa coa de chida in provìntzia de Aristanis – In provìntzia de Aristanis sos addòbios in sa coa de chida sunt meda. B’est sa Currera de sos Iscurtzos e si comintzat sàbadu mangianu movende a cara a su santuàriu de Santu Sarbadori. S’incràs a merie imbetzes is curridoris torrant in segus cun sa màgine a Crabas. Sàbadu sero in Santu Sarbadori su campu est pro sa Sagra de su pische de Pontis e pro sos Tumbarinos de Gavoi e a pustis pro “Fèminas” de Cristina Fois. Domìnigu finit totu: a pustis recuidos sos Iscurtzos, si festat cun”We Love 2000” e cun su dj Giorgio Prezioso in pratza de Istàniu in Crabas.

E a pustis ancora sa Festa de Santu Innàtziu 2024 chi finit sàbadu in Làconi, e in Arborea, sàbadu sero in pratza Maria Ausiliatrice torrat sa de 20 editziones de sa Festa de sas Ratzas a incuru de sa Pro loco. Paris cun sa rassigna enogastronòmica b’at tantos eventos collegados: “Seadas suta de sos isteddos”, sa de 48 editziones de sa Sagra de sa Sìndria e sa Festa de sa Birra e de sos Cocktails.

Mùsica in Aristanis: chenàbura sero in su parcu de Santu Giuanne de frores su Jorge Rossy Vibes Trio cun s’Ente cuntzertos “Alba Pani Passini” pro sa rassigna “Mùsica in sos seros de istiu”.

Semper chenàbura sero ma in Arriora, su Super Party Dance in sos giardinos pùblicos de carrera Montessori cun su dj Sandro Azzena.

Eventos finas in sas biddas de su Cunsòrtziu Duas Giaras: in Curcuris, chenàbura sero in Domo de sos Pillonis, s’editzione noa de su Fèstival Comunitàriu cun unu dibàtidu-cunferèntzia in contu de s’interlligèntzia artifitziale e in Baressa, sa die in fatu, in sa pratza in dae in antis de sa Domo Museu b’est sa “Cardigada in suta de sos isteddos”.

In Cùglieri, imbetzes, domìniga torrat su de 4 Radunos de veturas e de motos de època de s’assòtziu Cùglieri MotorSport e in Zrofoliu sàbadu b’est “2.Zoros”, sa festa de fine de istiu in dae in antis de su tzentru polivalente de sa bidda.

Festa finas in Ollasta pro Santu Innàtziu cun sa Leva 1974 chi at aprontadu unu calendàriu de eventos ricu pro chenàbura e sàbadu.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.

ufficio
ufficio

LASCIA UN COMMENTO

Inserisci il tuo commento!
Inserisci qui il tuo nome

For security, use of Google's reCAPTCHA service is required which is subject to the Google Privacy Policy and Terms of Use.

ULTIME NOTIZIE

Novas Aristanesas, martis 31 de nadale de su 2024

Festas e dies de ponte in su 2025  – In su 2025 isceti sa festa de Totu is Santos at a resurtare in sàbadu e sa de su Regordu de is Mortos in domìnigu. Is àteras festas ant a acontèssere, imbetzes, a intro de chida, donende bortas meda s’ocasione pro si pasare e pro allonghiare is fèrias.

S’annu at a cumentzare cun sa Prima die, chi at a resurtare in mèrcuris, sighidu dae sa Festa de is Tres Rees, chi at a èssere in lunis. Su 25 de abrile at a èssere in chenàbura, mentras su 1 de maju in giòbia. In làmpadas, sa Festa de sa Repùblica at a acontèssere unu lunis, mentras sa Festa de Mesaustu at a resurtare in chenàbura. Totu is Santos, comente amus naradu, at a resurtare in sàbadu, mentras Sa Purìssima at a èssere in lunis. Paschighedda de su 2025 at a èssere in giòbia, mentras sa die in fatu, Santu Istèvene, at a èssere in chenàbura.

Connoschende is datas, faghet a si programmare carchi die de “ponte”. Su primu ponte diat pòdere èssere giai a primìtzios de annu, pro sa Festa de is Tres Rees (su 6 de ghennàrgiu), chi est unu lunis, allonghiende sa coa de chida fintzas a martis 7 de ghennàrgiu. Un’àtera ocasione bona si presentat in beranu, gràtzias a sa cumbinatzione intra de sa Festa de sa Liberatzione (su 25 de abrile, una chenàbura) e sa Festa de is Traballadores (sa prima die de maju, chi est una giòbia). Cun a penas bator dies de fèrias (dae su 28 de abrile a su 2 de maju), si diat pòdere gosare de sa bellesa de deghe dies de vacàntzia, dae su 25 de abrile a su 4 de maju. 

In làmpadas, sa Festa de sa Repùblica (2 de làmpadas, unu lunis) oferit un’àteru ponte de tres dies, bellu pro si pasare in antis de is vacàntzias de s’istadiale. Mesaustu (su 15 de austu, in chenàbura) at a assegurare una coa de chida de tres dies, bella pro chie podet andare a mare o a monte.

S’8 de nadale puru, die de Sa Purìssima, est unu lunis, allonghiende sa coa de chida in antis.

Is festas de Paschighedda, chi in su 2025 at a acontèssere una giòbia, ant a permìtere de si pasare fintzas a domìnigu 28 de nadale. Ma, pighende carchi die de fèrias, si podet perlongare sa vacàntzia fintzas a s’Annu Nou, isfrutende totu is festas. 

Cun custas datas, duncas, su 2025 chi amegat de intrare oferit unas cantas possibilidades pro si programmare carchi vacàntzia in prus e, comente si siat, pro si pasare.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.

Tutte le notizie

OristanoNoi: gli eventi, le storie, i volti di Oristano. Noi | OristanoNoi - Iscrizione al Registro della Stampa del Tribunale di Oristano numero 2577 del 27.12.2019 - Direttore responsabile Marco Enna - Edito da Radio Cuore di Giovanna Maria Fenu & C. sas – Oristano – Partita Iva 00619690951 - Hosting provider Aruba Spa, Via San Clemente, 53 – Ponte San Pietro – 24036 (BG) – P.I. 01573850516

Contattaci: posta@oristanonoi.it

© Newspaper Theme | All rights reserved